لوحتي

بعزم على قلبي بالنسيان عزومة مراكبية لو لمحت ذكرى ولا حتى حتة من طيفك معدية بدور وشي واقول معلشي ده بس تعود ولا فراغ كان ونسان واقول انا هنسى وربنا أعلى واقول عن قلبي جبان واقول انا هكسر كل عرايسه وهدمر كل الداتا وابدأ تاتا وقلبي .. هيتعافى لا هبرجع ولا يسمح بوجع ..حتى مالوش مكان واقول انا جوايا غضب بركان ده حتى نسيني .. ونسى كله حاجة كمان و انام الاقيه مستنيني اغفل عشان يلقاك عقلى ... حتى ده طلع معاك !!!! قال ايه وحشته قال مشتاق قال ايه قلقان قال ايه نفسه يشوفك .. ويقولك انى في حالة غليان ويقولك عنى كدابة بكدب على نفسي وعليك كمان ويقولك على صورتك اللى بشوفها كل يوم قبل ما انام ولا عيونك اللي بسرح فيها واقول هو ينفع كده بقى ده اسمه كلام ويقولك مليون وحشتنى ومليون موجوعه  مليون بحبك ومية مليون حرام ويقولك مش بتفرح الا معاك وكل ليلة بتستناك ووجعت قلبي معاها كمان ابعتله اشارات نسيان  يردها اشارات سلبية  بتحكى اوجاعه الجوانية وارجع واقول مسكين وضحكة اتولدت منه مخزنها جواه والف ذكرى بمليون اه تمر الذكرى بطيفك تلاقى الضحكة ماشية وراه  ضح...